Падзеі апошніх гадоў пакідаюць свой след на ментальным здароў’і не толькі дарослых, але і дзяцей. Стрэс, адзінота, складанасці з адаптацыяй да новых умоў — з гэтымі цяжкасцямі сутыкаецца мноства дзяўчынак і хлопчыкаў рознага ўзросту. Дзякуючы дапамозе Вышэградскага фонду мы арганізавалі ў школе ЦБС заняткі арт-тэрапіі. Сінергія паміж мастацтвам, тэрапіяй і постканфліктным аднаўленнем дае рашэнні, становіцца магутным сродкам для лячэння і аднаўлення жыцця маленькіх людзей.
-тэрапія дапамагае:
• Зняць напружанне;
• Палепшыць настрой;
• Навучыцца лепей разумець як свае эмоцыі, так і эмоцыі іншых людзей;
• Трансфармаваць негатыўныя думкі ў пазітыўную энергію;
• Спраўляцца з узроставымі крызісамі;
• Бачыць прыгажосць;
Таксама мы хочам падзяліцца гатовым дапаможнікам, які змяшчае канкрэтныя практыкаванні, заданні, парады для настаўнікаў, якія працуюць з беларускімі дзецьмі, чые сем’і зазналі рэпрэсіі, або чые члены сямʼі зараз знаходзяцца ў зняволенні па палітычных справах у Беларусі.
Гэты дапаможнік зʼяўляецца прадуктам сумеснай працы арт-тэрапеўтаў і мастакоў, якія ўдзельнічалі ў сустрэчы ў Трнаве (Славакія) і ўдзельнічалі ў арганізацыі арт-летніка ў Празе (Чэхія).
Спампаваць яго можна па спасылцы
https://drive.google.com/file/d/1zKaKjZZX_0T0xJ9co0wtQ00giXLvmE9v/view?usp=sharing
Нашыя партнёрскія арганізацыі ў гэтым цудоўным праекце:
— Office of the Democratic Forces of Belarus in the Czech Republic
— Human doc, Foundation
— Malý Berlín, cultural center
#VisegradFund #Visegrad
