Аддзел прававой дапамогі
Патрэбна прафесійная юрыдычная дапамога ў Польшчы?
Вы трапілі дакладна па адрасе! Кіраўніца дэпартамента - Вольга Дабравольская.
Выпускніца факультэта права і адміністрацыі Варшаўскага ўніверсітэта. На працягу трох гадоў была членам Савета па справах інтэграцыі замежнікаў у Мазавецкім ваяводстве. Уваходзіць у склад Рабочай групы па легалізацыі знаходжання грамадзян Беларусі пры Міністэрстве ўнутраных спраў Польшчы.
Спецыялізуецца ў міжнародным і міграцыйным праве. Дае кансультацыі па пытаннях міграцыі і атрымання міжнароднай аховы, займаецца пытаннямі крымінальнай адказнасці ў міжнародным праве.
Выпускніца факультэта рускай філалогіі і студэнтка чацвёртага курса юрыдычнага факультэта ўніверсітэта Лазарскага ў Варшаве.
Спецыялізуецца ў сферы легалізацыі знаходжання і працы замежнікаў на тэрыторыі Рэспублікі Польшча, а таксама міжнароднай аховы.
Скончыла юрыдычны факультэт Варшаўскага ўніверсітэта, юрыдычны факультэт Нацыянальнага Авіяцыйнага ўніверсітэта ва Украіне, а таксама школу амерыканскага права Фларыдскага ўніверсітэта пры супрацоўніцтве з Варшаўскім ўніверсітэтам.
Займаецца іміграцыйных, крымінальным і грамадзянскім правам. З'яўляецца апліканткай адвакацкай аплікацыі.
Мы праводзім бясплатныя юрыдычныя кансультацыі па пытаннях:
- Легалізацыі знаходжання: атрыманне часовага і пастаяннага віду на жыхарства ў Польшчы (zezwolenie na pobyt czasowy i stały)
- Атрымання міжнароднай аховы ў Польшчы
- Перасячэння межаў / візавых пытаннях
- Рэгістрацыі актаў грамадзянскага стану
- Рэгістрацыі шлюбу для ўладальнікаў міжнароднай аховы
- Атрымання польскіх дакументаў
- Процідзеяння дыскрымінацыі / мобінгу з боку польскіх дзяржаўных органаў і працадаўцаў
Акрамя таго, супрацоўнікі нашай інфалініі дапамогуць вам:
- У сацыяльна-бытавых пытаннях (напрыклад, адкрыццё рахунку ў банку, запіс да лекара)
- Дадуць агульную інфармацыю па пытаннях легалізацыі знаходжання і міжнароднай ахове
- Адкажуць на пытанні, звязаныя з адаптацыяй да жыцця ў Польшчы
